Бугун Вобкент туманидаги “Порлоқ келажак” оромгоҳида “Фақатгина соғлом халқ, баркамол миллат буюк ишларга қодир бўлади” шиори остида аҳоли орасида чуқурлаштирилган тиббий кўриклар ҳамда соҳа бўйича вилоят сектор раҳбарларининг сайёр қабули ўтказилмоқда.

Вилоятимизнинг етакчи тор соҳа ҳамда хусусий тиббиёт муассасалари малакали мутахассислари жалб этилган тиббий кўрикда фуқаролар мобиль маммограф, мобиль поликлиника, мобиль флюрограф каби юқори технологик диагностика ускуналари имкониятларидан фойдаланишяпти.

Тадбир давомида арзонлаштирилган озиқ-овқат маҳсулотлари ярмаркаси ташкил этилган. Шунингдек, дастурдан санъат усталарининг байрамона концерти ҳам ўрин олган.