14.05.2022 2022-йил 11-майдан 14-майгача Флоренцияда 20-Халқаро эндокрин гинекология конгресси бўлиб ўтди. Конгресснинг мақсади - репродуктив эндокринология бўйича тадқиқотларда жаҳон олимларини бирлаштириш. Конгресс ёш олимларни фаол қўллаб-қувватлайди. Жорий йилда Ўзбекистон делегацияси таркибига гинекология ва эндокринология йўналиши бўйича 10 нафар ёш олимлар киритилди. 7 та постер тақдимоти ва 3 та оғзаки тақдимот тақдим етилди.

Конгресснинг 3 куни давомида 6 та залда турли йўналишларда, жумладан, репродуктив эндокринология, пери ва постменопозал давр, ўсмирлик даври эндокринологияси муаммолари бўйича симпозиум ва маърузалар ўтказилди. Шунингдек, аёлларнинг гормонал саломатлиги соҳасида диагностика ва даволашнинг янги усулларига бағишланган фанлараро сессиялар алоҳида эътиборга лойиқдир.

Конгресс давомида Европадан профессор-олимлар билан мулоқот қилиш, халқаро алоқалар ўрнатиш, тажриба алмашишга муваффақ бўлдик.