2022-йил 5 март куни Жаҳон банкининг соғлиқни сақлаш соҳасидаги маслаҳатчиси Ассиа Брандруп (Дания), Шалаева Эвгения Владимировна (Тошкент Халқаро Вестминстер университетида жамоат саломатлиги боʻйича магистрлик курси раҳбари), Наргиза Фузайлова (УНФПА Ўзбекистондаги Ваколатхонаси ҳодими) халқаро экспертлар ва ташкилотлар билан ҳамкорликда “Республика соғлиқни сақлаш тизимини 2030-йилгача ривожлантириш стратегияси”ни ишлаб чиқиш боʻйича муҳокамалар доирасида Эндокринология Марказига ташриф буюрдилар. Эндокринология марказининг ҳудудий филиаллари билан ишлаш бўйича директор ўринбосари Фахрутдинова С.С. билан ўтган учрашув доирасида стратегияни ишлаб чиқишга оид қатор масалалар муҳокама қилинди ва келгусида мувофиқлаштириш имкониятлари таклиф этилди.