08.05.2024

Соғлиқни сақлаш вазирлиги тизимидаги давлат тиббиёт ташкилотларининг мутахассисларини хорижий  мамлакатларнинг етакчи тиббиёт ва илмий муассасаларга 1-3 ой муддатга малака ошириш ва қайта тайёрлашга юбориш мақсадида танлов эълон қилинади.

Эндокринология йўналиши бўйича Академик Ё.Х.Тўрақулов номидаги Республика ихтисослаштирилган эндокринология илмий-амалий тиббиёт маркази Ишчи гуруҳи томонидан суҳбат асосида ўтказилади.

Танловда Академик Ё.Х.Тўрақулов номидаги Республика ихтисослаштирилган эндокринология илмий-амалий тиббиёт маркази ва филиалларининг эндокринолог шифокорлари ва эндокрин жаррохлари иштирок этиши мумкин.

Танловда иштирок этиш учун номзодлар томонидан қуйидаги ҳужжатлар тақдим этилади:

1)      паспорт нусхаси;

2)      олий таълим муассасасини тугатганлигини тасдиқловчи дипломлар нусхаси;

3)      илмий даражаси (фан номзоди, PhD, DSc) ва илмий унвонини (катта илмий ходим, доцент, профессор) тасдиқловчи дипломларнинг нусхаси (агар мавжуд бўлса);

4)      чет тилидан билим даражасини белгиловчи амалдаги миллий ёки халқаро сертификат (Миллий квалификация сертификати, IELTS, TOEFL ва уларга тенглаштирилган), агар мавжуд бўлса;

5)      охирги 3 йилда хорижда ва республика таълим муассасаларида малакасини оширганлиги тўғрисида сертификат;

6)      малака тоифасига эга бўлганлиги тўғрисида сертификат;

7)      меҳнат дафтарчаси нусхаси;

8)      семинар, конференцияларда маъруза билан ёки маърузасиз иштирок этганлиги тўғрисида сертификат;

 

НОМЗОДЛАР ТАҚДИМ ЭТАЁТГАН ҲУЖЖАТЛАРНИНГ ҲАҚҚОНИЙЛИГИГА ШАХСАН ЖАВОБГАР ҲИСОБЛАНАДИ!

 

Барча хужжатлар юқорида кўрсатилган кетма-кетликда жойлашган, номзоднинг фамилия, исми билан номланган битта pdf файлда (бошқа формат ва кўринишдаги ҳужжатлар қабул қилинмайди!) endokrinologiya.stazhirovka@mail.ru электрон манзили орқали 15.05.2024 соат 23:59гача қабул қилинади.