22.07.2021 Oʻzbekiston Respublikasi Davlat dasturining "Bor mehrimiz shu xalq uchun, shu vatan uchun" deb nomlangan shiori ostida chuqurlashtirilgan tibbiy koʻriklar oʻtkazish tadbirlarining dastlabki nuqtalaridan boshlab faol ishtirok etib kelayotgan Respublika ixtisoslashtirilgan Endokrinologiya ilmiy-amaliy tibbiyot markazi xodimlari bu safar Andijon viloyatida xizmat safarida boʻldilar.

Xizmat safari chogʻida viloyat Endokrinologiya dispanserida viloyatning barcha tuman va qishloqlaridan tashrif buyurgan endokrinologik yordamga muxtoj bemorlarga yuqori malakali shoshilinch va rejali operativ davo-muolajalari oʻtkazildi. Shu qisqa fursat ichida 10 ga yaqin turli darajada va murakkablikdagi jarroxlik amaliyotlari oʻtkazildi. Shu bilan birga dispanser tibbiyot xodimlari orasida amaliy koʻnikmalar oʻzaro almashildi va ayni vaqtda ushbu jarayon davom etmoqda.