16.10.2025
Akademik Yo. X. Turaqulov nomidagi Respublika ixtisoslashtirilgan endokrinologiya ilmiy-amaliy tibbiyot markazi direktori o‘rinbosari Kamiljanova Barnoxon Rahimovna va maslahat poliklinikasi endokrinolog shifokori Tillashaykhova Iroda Mrzag‘olibovna 7-8 oktyabr sanasida Gruziya davlati, Tbilisi shahrida bo‘lib o‘tgan EndoHub forumida ishtirok etishdi. Forum doirasida AQSh, Minnesota shtatidagi Mayo Clinic klinikasining mashhur endokrinologi, professor William F. Young va uning jamoasi, EndoHub asoschisi Dr. Nino Zavrashvili va jamoasi bilan uchrashuvi bo‘lib o‘tdi.

Suhbat davomida endokrinologiya sohasidagi zamonaviy yutuqlar, xalqaro tajriba almashish masalalari hamda yetakchi tibbiyot markazlari o‘rtasidagi ilmiy va klinik hamkorlikni mustahkamlash istiqbollari muhokama qilindi.
Safar davomida Tbilisi shahridagi nufuzli endokrinologiya, kardiologiya, onkologiya tibbiyot markazlariga tashriflar amalga oshirilib, ular bilan birgalikda ikki tomonlama endokrinologik xizmatni yanada rivojlantirish yuzasidan aloqalar o‘rnatilib, tez orada hamkorlik memorandumlari imzolash rejalashtirildi!