10.03.2026
Yoshlar bilan uchrashuv bo‘lib o‘tdi
Akademik Yo.X. To‘raqulov nomidagi Endokrinologiya ilmiy amaliy tibbiyot markazida Markaz direktori tibbiyot fanlari doktori, professor Alimov Anvar Valiyevich ishtirokida Yoshlar bilan uchrashuv tashkil etildi.
Uchrashuvda 2026 yil 24 fevral kungi Ko‘ksaroy qarorgohida Prezident Shavkat Mirziyoyevning yoshlar bilan muloqoti bo‘yicha so‘z olib borildi. 
Shuningdek Markazda ta'lim olayotgan va markaz faoliyatida tinim bilmay mehnat qilayotgan yosh avlod bilan fikrlar almashinildi. Markaz direktori Alimov Anvar Valiyevich Yoshlarni qiziqtirgan mavzular bo‘yicha tegishli ma'lumotlarni berdilar hamda hozirgi kunda dolzarb bo‘lib kelayotgan yoshlar bandligini ta'minlash, ularning bo‘sh vaqtlarini mazmunli tashkil etish, huquqbuzarlik va jinoyatchilikning oldini olish, yoshlar o‘rtasida sog‘lom muhitni yaratish borasida ochiq muloqot bo‘lib o‘tdi.
Shuningdek, yoshlar tomonidan berilgan savollar va ularni qiynab kelayotgan muammolar yuzasidan tegishli chora-tadbirlar belgilanib olindi.