19.03.2026

Yo.X.To’raqulov nomidagi RIEIATM maslaxat poliklinikasida bemorlar uchun zamonaviy xizmat — glyukozani uzluksiz monitoring qilish tizimini (CGM) o‘rnatish yo‘lga qo‘yildi.

Uzluksiz glyukozani monitoring qilish tizimi (Continuous Glucose Monitoring, CGM) qondagi glyukoza darajasini nazorat qilishning innovatsion usuli hisoblanadi. Maxsus sensor teri ostiga o‘rnatiladi va bir necha hafta davomida yuqori aniqlikda glyukoza darajasini avtomatik ravishda o‘lchab boradi hamda ma’lumotlarni maxsus qurilma yoki mobil ilovaga uzatadi. Bu esa kun va tun davomida, jumladan uyqu, jismoniy faollik va ovqatlanish vaqtida glyukoza darajasining o‘zgarishini to‘liq va obyektiv baholash imkonini beradi.

An’anaviy glyukometr yordamida o‘zini nazorat qilishdan farqli ravishda, CGM nafaqat joriy ko‘rsatkichlarni, balki glyukoza darajasining o‘zgarish dinamikasini ham qayd etadi. Bu yashirin gipoglikemiya va giperglikemiyalarni aniqlash, shuningdek, glyukemiya variabelligini baholashda ayniqsa muhimdir.

Usulning afzalliklari:

• glyukoza darajasini real vaqt rejimida uzluksiz nazorat qilish
• tungi va simptomlarsiz kechuvchi gipoglikemiyalarni aniqlash
• ovqatlanish, jismoniy faollik va davolashning ta’sirini baholash
• davolash samaradorligi va xavfsizligini oshirish
• qandli diabet asoratlari rivojlanish xavfini kamaytirish
• individual davolashni yanada aniq tanlash imkoniyati

CGM o‘rnatish kimlarga tavsiya etiladi:

• 1-tip qandli diabet bilan og‘rigan bemorlarga
• 2-tip qandli diabet bilan og‘rigan bemorlarga (ayniqsa insulin terapiyasida bo‘lganlarga)
• qon glyukoza ko‘rsatkichlari beqaror bo‘lgan hollarda
• tez-tez yoki yashirin gipoglikemiyalar kuzatilganda
• maqsadli glyukemiya darajasiga erisha olmayotgan bemorlarga
• gestatsion qandli diabet bilan homilador ayollarga
• glyukozani pasaytiruvchi terapiyani tanlash va tuzatishda
• qandli diabet bilan og‘rigan bolalar va o‘smirlarga
• asoratlar rivojlanish xavfi yuqori bo‘lgan bemorlarga

CGM tizimidan foydalanish shifokorga bemorning glyukemik profilini batafsil tahlil qilish, muammoli davrlarni o‘z vaqtida aniqlash va davolashni individual xususiyatlarni inobatga olgan holda moslashtirish imkonini beradi. Bu esa shaxsiylashtirilgan tibbiyot rivojiga muhim hissa qo‘shadi hamda uglevod almashinuvi buzilishlari bo‘lgan bemorlarning hayot sifatini sezilarli darajada yaxshilaydi.

Video: