12.05.2026
Buxoroda xalqaro doyalar kuni munosabati bilan ilmiy-amaliy seminar o‘tkazildi. Bugun viloyat endokrinologiya dispanserida davolash-profilaktika muassasalari, Buxoro shahar oilaviy poliklinikalari va tibbiyot birlashmalarining bosh hamshiralari, tug‘ruqxona katta doyalari hamda birlamchi bo‘g‘in doyalari ishtirokida 5 may — Xalqaro doyalar kuni munosabati bilan ilmiy-amaliy seminar o‘tkazildi.

Tadbirni Buxoro viloyat sog‘liqni saqlash boshqarmasi boshlig‘i Elyor Oltiyev ochib berdi. U o‘z nutqida O‘zbekiston Respublikasi Prezidentining 2024 yil 22 noyabrdagi “Ayollar orasida onkologik kasalliklarni nazorat qilish tizimini takomillashtirish chora-tadbirlari to‘g‘risida”gi PQ–402-son qarori ijrosi doirasida viloyatda amalga oshirilayotgan ishlar haqida to‘xtaldi.
Buxoro viloyat endokrinologiya dispanseri bosh vrachi Sh.M.Narziyev doyalar oldida turgan muhim vazifalar jumladan ona va bola sogligini ximoya kilishda yod tankisligini oldini olish, gestatsion diabetni erta aniklash yuzasidan tegishli ko‘rsatmalar berdi.