2022-yil 15-noyabr kuni “Gastroenterologiya va bariatrik jarrohlik haftaligi” II Xalqaro konferentsiyasi oʼz ishini boshladi. Anjumanda morbid semizlikning endokrinologik jihatlari, jarrohlik va anestetik yordam usullari koʼrib chiqiladi. Shuningdek, ishtirokchilar uchun onlayn translyatsiyalar orkali operatsiyalar boʼyicha mahorat darslari, qorin boʼshligʼi ichki sekretsiya bezlarini ultratovush diagnostikasi boʼyicha maktab-seminar oʼtkazish rejalashtirilgan. Konferentsiya Namangan shahrida 18-noyabrga qadar davom etadi.