02.06.2023
Inson qadri uchun! 2023 yil 1-iyunь kuni Akademik Yo.X.To‘raqulov nomidagi RIEIATM Farg‘ona filialida 1-IYuNЬ “XALQARO BOLALARNI HIMOYa QILISh KUNI”ga bag‘ishlangan tadbir o‘tkazildi. Tadbirda filial bosh vrachi Ibraximova Nigora Rasulovna so‘z olib, bolajonlarni bayram kuni bilan tabriklab, bolalar hayotimiz davomchilari, kelajagimiz egalaridir. Binobarin, ularni asrab-avaylash, har tomonlama barkamol qilib voyaga yetkazish har bir davlat, har bir oila, har bir ota-onaning muqaddas burchidir. O‘zbekistonda ham farzandlarimiz ana shunday mehr-muhabbat, ulkan g‘amxo‘rliklar og‘ushida voyaga yetmoqda deya ta'kidlab o‘tdi. Tadbir davomida filial bo‘limlarida davolanayotgan bolalar ijrosida she'r va ashulalar hamda raqslar ijro etilib, tadbirga yanada zavq bag‘ishlashdi.
Tadbir so‘ngida filial bo‘limlarida davolanayotgan bolalar uchun filial ma'muriyati hamda homiylar tomonidan tayyorlangan bayram sovg‘alari tarqatildi.