2022-yil 5 mart kuni Jahon bankining sog‘liqni saqlash sohasidagi maslahatchisi Assia Brandrup (Daniya), Shalaeva Evgeniya Vladimirovna (Toshkent Xalqaro Vestminster universitetida jamoat salomatligi boʻyicha magistrlik kursi rahbari), Nargiza Fuzaylova (UNFPA Oʻzbekistondagi Vakolatxonasi hodimi) xalqaro ekspertlar va tashkilotlar bilan hamkorlikda “Respublika sogʻliqni saqlash tizimini 2030-yilgacha rivojlantirish strategiyasi”ni ishlab chiqish boʻyicha muhokamalar doirasida Endokrinologiya Markaziga tashrif buyurdilar. Endokrinologiya markazining hududiy filiallari bilan ishlash bo‘yicha direktor o‘rinbosari Faxrutdinova S.S. bilan o’tgan uchrashuv doirasida strategiyani ishlab chiqishga oid qator masalalar muhokama qilindi va kelgusida muvofiqlashtirish imkoniyatlari taklif etildi.