27.03.2024
Inson qadri uchun!O‘zbekiston Respublikasi Prezidentining 2022 yil 26 yanvardagi “Endokrinologiya xizmatini takomillashtirish va ko‘lamini kengaytirish chora-tadbirlari to‘g‘risida” PQ–102-son qarori ijrosini ta'minlash maqsadida 26.03.2024 yil kuni Xorazm viloyatining Xiva tumani tibbiyot birlashmasida Xiva tumani oilaviy poliklinikalarida faoliyat olib borayotgan 19 nafar oilaviy shifokor va 28 nafar hamshiralarga dasturning 15-bandi ijrosi yuzasidan Yo.X.Turaqulov nomidagi RIEIATMning Xorazm viloyati bo‘yicha treneri Otabek Atabayev va Adina Baydauletovalar tomonidan “Qandli diabet 2 tur bemorlarni terapevtik o‘qitish milliy maktabi”da o‘qitish bo‘yicha o‘quv seminar-treningi o‘tkazildi. Seminar –treningda qandli diabet haqida umumiy tushuncha, kasallik diagnostikasi, diabet oldi holatlari , qandli diabet kelib chiqishini oldini olish chora-tadbirlari, to‘g‘ri va sog‘lom ovqatlanish tamoyillari, jismoniy harakatning ahamiyati, qandli diabetni davolashda qand pasaytiruvchi dori vositalarini qo‘llash, kasallikning asoratlarini oldini olish haqida tushuncha va ko‘nikmalar berildi. Seminar-treningda qatnashgan tibbiyot xodimlarining mavzu yuzasidan berilgan savollariga javoblar berildi. Shuningdek, qondagi glyukoza miqdorini glyukometrda aniqlash texnikasini va glyukometrdan foydalanish tartibi tushuntirib o‘tildi.