18.04.2024
Inson qadri uchun!O‘zbekiston Respublikasi Prezidentining 2022 yil 26 yanvardagi “Endokrinologiya xizmatini takomillashtirish va ko‘lamini kengaytirish chora-tadbirlari to‘g‘risida” PQ–102-son qarori ijrosini ta'minlash maqsadida 15.04.2024 yil kuni Yo.X.Turaqulov nomidagi RIEIATMning Qoraqalpog‘iston viloyati bo‘yicha treneri Otabek Atabayev tomonidan Nukus shaxrining tibbiyot birlashmasida Nukus tumani oilaviy poliklinikalarida faoliyat olib borayotgan 60 nafar oilaviy shifokor 15-bandi ijrosi yuzasidan viloyat endokrinologiya dispanserining trenerlari tomonidan “Qandli diabet 2 tur bemorlarni terapevtik o‘qitish milliy maktabi”da o‘qitish bo‘yicha o‘quv seminar-treningi o‘tkazildi. Seminar –treningda qandli diabet haqida umumiy tushuncha, kasallik diagnostikasi, diabet oldi holatlari , qandli diabet kelib chiqishini oldini olish chora-tadbirlari, to‘g‘ri va sog‘lom ovqatlanish tamoyillari, jismoniy harakatning ahamiyati, qandli diabetni davolashda qand pasaytiruvchi dori vositalarini qo‘llash, kasallikning asoratlarini oldini olish haqida tushuncha va ko‘nikmalar berildi. Seminar-treningda qatnashgan tibbiyot xodimlariga qondagi glyukoza miqdorini glyukometrda aniqlash texnikasini va glyukometrdan foydalanish tartibi amalda ko‘rsatib tushuntirib o‘tildi hamda mavzu yuzasidan berilgan savollariga javoblar berildi.